ਇਹ ਨਵੋਦਿਆ ਦੀ ਸਟੇਜ, ਇਸ ਸਟੇਜ ਤੇ ਹਰ ਤਰ੍ਹਾਂ ਦੀ ਕਲਾ ਦਾ ਪ੍ਰਦਰਸ਼ਨ ਹੁੰਦਾ ਸੀ, ਨਵੋਦਿਆ ਦੀ ਸਟੇਜ ਜਿਸਨੇ ਕਈਆਂ ਨੂੰ Performer ਬਣਾ ਦਿਤਾ, ਅਸੀਂ ਨੀਲਗਿਰੀ ਹਾਊਸ ਵਾਲਿਆਂ ਨੇ ਇੱਕ ਹਾਸਰਸ ਸਕਿੱਟ ਪੇਸ਼ ਕੀਤਾ ਸੀ, ਸੱਚ ਮੰਨਿਓ ਇੰਨਾ ਮਕਬੂਲ ਹੋਇਆ ਕਿ ਪਾਤਰਾਂ ਦੇ ਜੋ-ਜੋ ਨਾਮ ਸਕਿੱਟ ਵਿੱਚ ਸਨ ਉਹ ਉਹਨਾਂ ਦੇ ਨਾਵਾਂ ਦੇ ਨਾਲ ਜੁੜ ਗਏ, ਖਾਸ ਕਰਕੇ ਮੱਖਣ ਪੰਜਾਵੇ ਵਾਲੇ ਦਾ ਨਾਮ 'ਮੱਡੀ' ਪੈ ਗਿਆ ਸੀ।
ਲੋਪੋਂ, ਧੰਨੇ, ਜਸਵੀਰ ਬਾਈ ਹੋਰਾਂ ਦੀ ਪੰਜਾਬੀ ਗੀਤਾਂ ਵਾਲੀ 'ਅਧੁਨਿਕ ਰਾਮਾਇਣ' ਅੱਜ ਵੀ ਯਾਦ ਹੈ.. 'ਤੇਰੀ ਭਿੱਜ ਗਈ ਕੁੜਤੀ ਲਾਲ.. ਤੇ 'ਜਾਹ ਵੇ ਜਾਣ ਵਾਲਿਆ' ਵੀ।
ਸ਼ਨੀ. ਮੰਗਤ, ਬਿੱਲੇ ਹੋਰਾਂ ਦਾ ਡਾਂਸ, ਖਾਸ ਕਰਕੇ ਮਰੇ ਸਹਿ ਪਾਠੀ ਇੱਕ ਡਾਂਸ ਕਰਦੇ ਹੁੰਦੇ ਸੀ ਜਿਸਨੂੰ 'ਭੀਲ ਡਾਂਸ' ਕਹਿੰਦੇ ਹੁੰਦੇ ਸੀ। ਸਾਰੇ ਮੇਰੇ ਵੀਰ (ਮੇਰੇ ਤੋਂ ਬਿਨ੍ਹਾਂ) ਪੱਤੇ ਬੰਨ ਕੇ, ਕਾਲਾ ਪੇਂਟ ਮਲ ਕੇ (ਘੁੰਮਣ ਨੂੰ ਲੋੜ ਨਹੀਂ ਪੈਂਦੀ ਸੀ ਕਾਲੇ ਪੇਂਟ ਦੀ, ਮੇਰਾ ਬਾਈ ਤਾਂ ਕੋਕ ਵਰਗਾ ਸੀ)ਕੈਂਗੋ ਦੀ ਥਾਪ ਤੇ ਹਈਆ-ਹੂ, ਹਈਆ-ਹੂ ਕਰਦੇ ਤੇ ਜੰਗਲੀਆਂ ਵਾਂਗੂੰ ਨੱਚਦੇ।
ਉਪਰੋਕਤ ਤਸਵੀਰ ਸਾਡੇ ਜੁਨੀਅਰ ਵੀਰਾਂ ਦੀ ਹੈ, ਇਹ ਤਸਵੀਰ ਕਲੱਸਟਰ ਵਾਲੇ ਦਿਨਾਂ ਦੀ ਹੈ, ਨੌਜਵਾਨਾਂ ਨੇ "ਜੱਟ ਮੌਜਾਂ ਕਰਦਾ ਏ" ਵਾਲੇ ਗਾਣੇ ਤੇ ਭੰਗੜਾ ਪਾਇਆ ਸੀ, ਵੈਸ ਨਵੋਦਿਆ 'ਚ ਤਾਂ ਸਾਰੇ ਹੀ ਮੌਜਾਂ ਕਰਦੇ ਸੀ। ਤਸਵੀਰ ਵਿੱਚ ਗੁਰਵੰਤ (ਗੋਲੂ ਡੌਨ), ਗੁਰਜੀਤ, ਨੇਪਾਲੀ, ਸੀਤਾ ਰਾਮ ਤੇ ਚੰਚਲ ਨਜ਼ਰ ਆ ਰਹੇ ਹਨ। ਇਹ ਵੀਰ ਖੱਪ ਪਾਉਣ 'ਚ ਮੋਹਰੀ ਸਨ।
ਕਿੰਨੇ ਚੰਗੇ ਦਿਨ ਸੀ ਉਹ ਕਿੰਨੇ ਚੰਗੇ ਦਿਨ ਸੀ...
ਨੀ ਆਪਾਂ ਖਾਵਾਂਗੇ ਜਲੇਬੀਆਂ ਤੱਤੀਆਂ,
ਘਿਓ ਵਿੱਚ ਪੱਕੀਆਂ,
ਲਿਫਾਫੇ ਵਿੱਚੋਂ ਕੱਢ ਕੱਢ ਕੇ.....
khlooo-khaloo navodaya diyan jalibiyan bhut yaad aundiya ne baad chhhhhhhhh
ReplyDelete