ਤਸਵੀਰਾਂ: - 1994 - 2001 Batch

ਘਰ ਦੀਆਂ ਪੱਕੀਆਂ ਜਦ ਵੀ ਮਾਂਵਾਂ ਮੂੰਹ ਵਿੱਚ ਪਾਉਣਗੀਆਂ.., ਮੈੱਸ ਦੀਆਂ ਉਹ ਰੁੱਖੀਆਂ-ਮਿੱਸੀਆਂ ਚੇਤੇ ਆਉਣਗੀਆਂ।
ਉਹਨਾਂ ਵੇਲਿਆ 'ਚ ਰੋਟੀਆਂ ਗਿਣ ਕੇ ਨਹੀਂ ਚਿਣ ਕੇ ਖਾਂਦੇ ਹੁੰਦੇ ਸੀ। ਪਲੇਟਾਂ ਧੋਣ ਤੋਂ ਜਨਤਾ ਬਹੁਤ ਟਲਦੀ ਸੀ, ਇੱਕ ਪਲੇਟ 'ਚ ਪੰਜ-ਪੰਜ ਜਾਣੇ ਵੀ ਫੁਲਕੇ ਛਕ ਲੈਂਦੇ ਸੀ। ਜਿਸ ਦਿਨ ਕਾਲੀ ਦਾਲ ਜਾਂ ਵੜੀਆਂ ਵਗੈਰਾ ਮਿਲਣੀਆਂ ਜਨਤਾ ਨੇ ਸਟਰਾਈਕ ਕਰ ਦੇਣੀ, ਪਰ ਮਿੱਤਰੋ ਹੁਣ ਤਾਂ ਖਾਣੀ ਪੈਂਦੀ। ਹੁਣ ਨਹੀਂ ਲੱਭਣੇ ਨਵੋਦਿਆ ਦੇ ਨਜ਼ਾਰੇ। ਮੇਰੀ ਗੱਲ ਨਾਲ ਕੋਈ ਜਲਦੀ ਸਹਿਮਤ ਹੋਵੇ ਜਾਂ ਨਾ ਹੋਵੇ ਪਰ ਬਾਈ ਜੀ ਨਵੋਦਿਆ ਦਾ ਸਰਕਾਰੀ ਲੰਗਰ ਸਵਾਦ ਬਹੁਤ ਲੱਗਦਾ ਸੀ। ਹੁਣ ਜਿੱਥੇ ਚਾਰ ਪੰਜ ਪਰਸ਼ਾਦੇ ਛਕ ਕੇ ਢਿੱਡ ਭਰ ਜਾਂਦਾ ਉੱਥੇ ਤਾਂ ਦਸ-ਬਾਰ੍ਹਾਂ ਖਾ ਕੇ ਵੀ ਦੋਬਾਰਾ ਲਾਈਨ 'ਚ ਲੱਗ ਜਾਂਦੇ ਸੀ।
ਸਵੇਰ ਦੇ ਵੇਲੇ ਪਰੌਂਠੇ ਗਿਣਤੀ ਦੇ ਮਿਲਦੇ ਸੀ, ਪਰ ਦੋਬਾਰਾ ਲਾਈਨ 'ਚ ਲੱਗ ਕੇ ਛੱਕਣਾ ਵੀ ਇੱਕ ਰੋਜ਼ਮਰਾ ਦਾ ਕੰਮ ਬਣ ਗਿਆ ਸੀ ਜਿਸਨੂੰ ਉਸ ਵਕਤ Doubling ਕਹਿੰਦੇ ਹੁੰਦੇ ਸੀ।